Авва Дорофей - Аскетика. Том I
Кто же были издателями сей книги? Преподобнейший во иноках Кир Анания и преподобнейшие во иеромонахах Киприан и Евфимий святогорцы, резчики крестов. Они-то, имея теплое благоговение к преподобным и богоносным отцам Варсануфию и Иоанну, и великую любовь к священной их книге, как научившиеся от нее различным божественным добродетелям, в особенности же послушанию, доблественному отсечению своей воли и высокотворному смирению, переписали ее и не только подвигнули меня, своего брата по духу, исправить переписанное и приложить к тому житие преподобных и оглавление содержащихся в книге их наставлений, но и, отняв нечто от последних крупиц своего насущного хлеба, издали несколько лишь экземпляров сей книги, потому что не имели способов к изданию многих.
Итак, читайте сию книгу прилежно и сподобляйтесь благодатных дарований, в ней заключающихся; почерпая же проистекающую из нее пользу, молите Бога, братия христиане, о душевном спасении издавших ее во славу Божию, в честь преподобных отцов и в вашу пользу.
Преданный любви вашей, наименьший во иноках святогорец
Никодим. 22 июня 1803 г.
Предуведомление одного древнего святого мужа, предавшего писанию сии вопросы и ответы, к желающим читать предлежащую книгу
Просим читающих сию книгу принять с благоговением и верою написанное в ней, более же стараться достигать благодатью Христовою подражания житию и деянию изрекших сие старцев, ибо они, обучая себя во всех обстоятельствах жизни, в продолжение долгого времени, терпением и верою по Богу подвизаясь, по слову святого апостола, законно (ср.: 2 Тим. 2, 5) и последуя во всем пути святых отцов, оказались достойными получения от Бога таковых дарований. Приступая же к чтению написанного в сей книге, мы должны знать, что одно (из сего) было сказано к отшельникам, а другое к пребывающим в общежитиях; одно к живущим в духовном согласии, а другое к священникам и христолюбивым мирянам; одно к юным, то есть новоначальным, иное к предуспевшим уже и обучившимся долгим учением, а иное приближающимся к совершенству добродетелей — (словом), что каждому (из них) прилично было услышать; ибо не всем приличны одни и те же наставления, но как в телесном возрасте снеди младенца, юноши и престарелого различны между собою, так бывает это и в духовном возрасте (см. Евр. 5, 14). Многократно же (старцы) отвечали и сообразно с душевною немощью делавшего вопросы, промыслительно снисходя ему, чтобы он не впал в отчаяние, как видим это в житиях старцев. И отнюдь не следует принимать за общее правило того, что так снисходительно было сказано некоторым, по причине их немощи, но тотчас обратить внимание на то, что всяческий ответ святых был сделан согласно устроению вопросившего, ибо случается, что и такой, истрезвившись (от омрачения греховного), по молитвам святых, приходит в устроение, приличное монахам, и тогда опять слышит от отцов полезное ему. Молю же вас о Господе, дабы вы поминали и мое смирение во святых молитвах ваших, как предавшего, помощью Божиею, писанию сии ответы в пользу тех, которые будут читать их со страхом Божиим, да не послужат мне в осуждение слова святых, но да буду ныне и в день суда покровен молитвами их и вашими. Аминь.
Преподобных отцов Варсануфия и Иоанна ответы на вопросы учеников
Ответ 1, великаго старца ко авве Иоанну, иже от обители Саввы, просившу приити и вселитися у них во общежитии.
Писано есть во апостоле: «яко начный дело благо в вас, Той и совершит е, даже до дне Иисус Христова» (Флп. 1, 6). И паки Владыка наш рече ко пришедшим к Нему: «яко аще кто не отречется всего своего имения и рода, еще же не возненавидит и души своея: не может быти Мой ученик» (Лк. 14, 26, 33). Возможно же есть Богови исполнити в нас слово оно: «яко се что добро, или что красно, но еже жити братии вкупе» (Пс. 132, 1). Молюся же, да достигнеши меры писанныя в Деяниих: «елицы имеяху стяжания, продаяху, и приносяще цену продаемых, полагаху при ногах апостол» (Деян. 4, 34–35). И аз ведый твое предложение по Богу сущо, рех возлюбленному сыну нашему Сериду, по Бозе покрывшему нас от человек (уповаем же на Бога, яко и тебе с нами покрыет), яко приими брата Иоанна со многою любовью, и отнюд да не усумнишися: прежде бо двою лету откры мне Бог, яко имать приити зде и яко мнози братия имут собратися к нам. И аз соблюдох откровение сие, дондеже уразумею, что творит Господь. Егда убо исполнися время, и аз явих вам. И понеже вознепщевал еси, яко да от нихже ношу, подам тебе: се при брате взях куколий мой от главы моея, и послах тебе той чрез него, рек: даждь ему, и принеси мне вместо его другой. Держи убо той до кончины твоея, имать бо покрыти тя от многих зол и искушений, да не даси убо того кому, есть бо ти благословение Божие от руку моею. И потщися совершити дело твое, и свободитися от всякия вещи, яко же и мы свободихомся. И седи с нами с безпопечением упраздняяся в Бозе.
И аз, Серид, глаголю ти вещь дивну: яко же бо глаголаше сия старец, помыслих в себе: како могу удержати, еже написати сия? аще бы хотел старец, то могл бы аз принести семо чернило и хартию, и слышати по единому слову, и написати. И той позна, яже помышлях: и просия лице его, яко огнь, и рече ми: иди напиши, да не убоишися: егда бо реку ти безчисленна словеса написати, ни болше, ни менше, даже до единаго писмене, попустит ти Дух Божий написати сие, ниже аще ты сам восхощеши: но наставит руку твою, како сия имаши написати с последованием.
Ответ 2, тогожде великаго старца к нему, предвозвещающ ему различныя последующия ему скорби, и телесную немощь, и еже от сих души преспеяние.
Рцы брату Иоанну: утверди сердце твое, аки тверд камень: камень же глаголю мысленный, ко еже мощи услышати, яже имам глаголати. Внемли убо себе, да не когда услышав сие, вознесешися в сердце твоем, и отпадеши духовнаго обетования. Многих бо погуби напыщение и от достигших в меру. Но уготови себе на благодарение о всех, послушав святаго апостола глаголюща: «о всем благодарите» (1 Сол. 5, 18): аще убо в скорбех, или в нуждах, или в теснотах, или в немощех, и трудех телесных: о всех находящих на тя, благодари Богови. Уповаю бо, яко и ты имаши приити в покой Его (Евр. 4, 3). Многими бо скорбми подобает нам внити в Царствие Божие. Да не усумнишися убо душею твоею, и да не разслабееши сердцем твоим в чем. Но поминай апостольское слово: «яко аще и внешний наш человек тлеет, обаче внутренний обновляется по вся дни» (2 Кор. 4, 16). Аще убо не претерпиши страсти, приити на крест не можеши. Егда же подымеши во первых страсти, внидеши в пристанище покоя его, и имаши прочее безмолвствовати со многим безпопечением: имый душу утверждену, и прилепившуся Господеви выну, верою стрегому, упованием радующуся, любовью веселящуся: святою и единосущною Троицею храниму: и тогда исполнится над тобою реченное: да возвеселятся небеса, и да радуется земля. Сия бо есть безпопечения жизнь человека Божия. Радуется бо Отец, и Сын, и Святый Дух о спасении души твоея, возлюбленный брате мой.
Ответ 3, инаго старца, к тому же, просящу беседовати с ним.
Рцы братови: прости мя Господа ради, яко желаю увидети тя, но за совесть иных не обретаю свободы: сорадуюся же любви твоей, о посылаемых тебе от святаго старца благословениих, и блажен еси сих сподоблься.
4. Искушению подвигшусь на монахов места онаго, идеже пребываше авва Иоанн, прежде неже приити во общежитие, и хотящу двигнутися тамо смущению, сущу ему ту, сие предвидев великий старец духом, пишет ему сия:
Напиши братови Иоанну: се посылаю ти три свидетельства от силы Божия, и от писаний Святаго Духа, имиже возбуждаю твой ум в бодрствование Божественное и в разумение Святаго Духа: во еже познати тебе яже о настоящем времени, что есть: Первое свидетельство сие есть: рече Бог чрез святаго пророка Исаию: «Идите, людие мои, внидите в храмину вашу, затворите двери своя, укрыйтеся мало, елико елико, дондеже мимо идет гнев Господень» (Ис. 26, 20). Второе же свидетельство сие есть: «Изыдите от среды их, и отлучитеся, и нечистоте не прикасайтеся, глаголет Господь; и Аз прииму вы, и буду вам во Отца, и вы будете ми в сыны и дщери, глаголет Господь Вседержитель» (2 Кор. 6, 17). Третие свидетельство: «Блюдите, како опасно ходите, не якоже не мудри, но якоже премудри, искупующе время, яко дние лукави суть» (Еф. 5, 15–16). Аз же глаголю ти: тецы на предлежащая ти, и соверши дело твое вскоре, поминая Господа твоего, глаголюща: «никтоже возложь руку свою на рало, и обращся вспять, управлен есть в Царствии Небеснем» (Лк. 9, 62). Аз бо вижду безмолвное твое житие, ожидающее тя о Христе Иисусе Господе нашем, Емуже слава вовеки. Аминь.
Ответ 5, тогожде великаго старца, ко авве опечалившуся, яко закосне приити авва Иоанн, и от сего вознепщевавшу, яко уже не приидет.
Да не скорбиши, чадо, ниже да возпечалуеши о брате нашем: ибо аще и отстоит телом, но предстоит духом, и с нами есть выну: единодушен бо нам есть, и никтоже его разлучит от любве нашея, от ныне и до века.
