Зоя Золотухина - Исцели свою жизнь молитвами
Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всяку гордость и зависть, нас разделяющия да во мнозех удех едино тело церковное невозбранно пребудем, да по словеси твоему молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно и во веки веков. Аминь».
Молитва Святителю Тихону, епископу Воронежскому, Задонскому чудотворцу. При истерии, в унынии«О, всехвальный святителю и угодниче Христов, отче наш Тихоне! Ангельски пожив на земли, ты яко Ангел благий явился еси и в дивнем твоем прославлении. Веруем от всея души и помышления, яко ты, благосердный наш помощниче и молитвенниче, твоими неложными ходатайствы и благодатию, обильно дарованною тебе от Господа, присно способствуеши нашему спасению. Приими убо, ублажаемый угодниче Христов, и в час сей наша недостойная моления: свободи ны твоим заступлением от облегающаго нас суесловия и суемудрия, неправоверия и зловерия человеческаго. Потщися, скорый о нас предстателю, благоприятным твоим ходатайством умолити Господа, да проявит Своя великия и богатыя милости на нас, грешных и недостойных рабов Своих, да уврачует Своею благодатию неисцельныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениях наших и да избавит ны вечных мук и огня геенскаго; всем же верным людем Своим да дарует в нынешнем веце мир и тишину, здравие и спасение и во всем благое поспешение, да тако, тихое и безмолвное житие пожившее во всяком благочестии и чистоте, сподобимся со Ангелы и со всеми Святыми славити и воспевати всесвятое имя Отца и Сына и Святаго Духа, во веки веков. Аминь».
Молитва от истерииОсобое место среди неврозов занимает истерия. Ее основная черта – неустойчивость настроения, обусловленная стремлением жить по особым правилам, то есть не как остальные. Всякий, кто требует для себя льготных условий, не имея на то никаких оснований, страдает «матерью всех грехов» – гордыней. Но у классических истероидов свойственный гордым людям эгоизм еще и удивительно сочетается с детской наивностью. Абсолютно все истероиды – инфантильны и, подобно испорченным детям, лживы, склонны к актерству, плаксивы, стремятся быть в центре внимания и казаться более значимой личностью, чем являются на самом деле. Это порождает на физическом плане ощущение «комка в горле», нарушения сна, самые разнообразные спазмы и гуляющие боли, продиагностировать которые не в силах ни один врач.
Религия считает, что за этим заболеванием стоит целый комплекс душевных изъянов – тщеславие, эгоизм это не что иное, как расщепление душевной энергии, от которого начинают страдать мышление, чувства, воля – все три составляющие здоровой личности. Именно истерическим людям необходимо в первую очередь приобщение к церкви. В крайнем случае полная перемена среды обитания. Только таким способом можно избавиться от истерии.
У наших предков не было возможности в далекие времена воспользоваться услугами невропатолога или психиатра. Но у них было главное условие для излечения от этого недуга – вера в Бога. А вместе с ней и дошедшая до нас очень древняя ровесница самого христианства молитва, которую любой верующий, обнаружив в себе признаки нервного расстройства, начинал читать ежевечерне в течение сорока дней.
Помогала эта молитва безусловно!
«Господи, Боже мой!
Удостой меня быть орудием мира Твоего:
чтобы я вносил любовь туда, где ненависть,
чтобы я прощал, где обижают,
чтобы я соединял сердца, где есть ссора,
чтобы я говорил правду,
где господствует заблуждение,
чтобы я воздвигал веру,
где давит сомнение,
чтобы я возбуждал надежду,
где мучает отчаяние,
чтобы я вносил свет во тьму,
чтобы я возбуждал радость,
где горе живет.
Господи, Боже мой, удостой:
не чтобы меня утешали,
но чтобы я утешал,
не чтобы меня любили,
но чтобы я других любил,
не чтобы меня понимали,
но чтобы я других понимал.
Ибо кто дает – тот получает;
Кто забывает себя – тот обретает;
Кто прощает – тому простится;
Кто умирает – тот просыпается в вечной жизни».
«О, угодниче Христов, отче наш Ефреме! Принеси молитву нашу к милостивому и всесильному Богу и испроси нам у благости Его вся яже на пользу душам и телесем нашим, веру праву, надежду несумненну, любовь нелицемерну, кротость и незлобие, во искушениях мужество, в злостраданиях терпение, во благочестии преуспеяние, да не во зло обратим дары Всеблагаго Бога. Не забуди, чудотворче святый, и святый храм сей и приход наш: сохрани и соблюди их молитвами твоими от всякаго зла.
Ей, святче Божий, сподоби нас кончину благую улучити и Царствие Небесное унаследити, да прославим дивнаго во святых Своих Бога, Емуже подобает всякая слава, честь и держава, во веки веков. Аминь».
Преподобному Иоанну Кущнику. В тоске по Родине и близкимТропарь, гл.4
«Боже отец наших,
творяй присно с нами по Твоей кротости,
не отстави милость Твою от нас,
но молитвами их в мире управи живот наш».
Молитва Великомученице Екатерине. О хороших женихах«О святая Екатерино, дево и мученице, истинная Христово невесто! Молим тя, яко особливую благодать, еюже предвари тя Жених твой, сладчайший Иисус, приимшую: якоже посрамивши прельщения мучителя мудростию твоею, пятьдесят витий победила еси, и напоивши их небесным учением к свету истинныя веры наставила еси: тако испроси и нам оную Божию мудрость, да и мы, вся козни адскаго мучителя расторгшее, мира же и плоти соблазны презревшее, достойни явимся Божественныя славы, и к расширению святыя нашея Православныя веры сосуди достойни соделаемся, и с тобою в небесней скинии Господа и Владыку нашего Иисуса Христа со Отцем и Святым Духом восхвалим и прославим во веки веков. Аминь».
Молитва Архангелу Рафаилу. Чтобы найти невесту«О святый Архангеле Рафаиле! Всеусердно молю тя, буди мне путеводитель в жизни моей, сохрани от всех видимых и невидимых враг, исцели душевныя и телесныя болезни моя, управи жизнь мою к покаянию во гресех и ко творению добрых дел.
О святый великий Рафаиле Архангеле! Услыши мене грешнаго молящегося тебе, и сподоби в здешней и в будущей жизни благодарити и славити общаго Создателя нашего в безконечныя веки веков. Аминь».
Мученице Параскеве Пятнице. В болезнях младенцев, о покровительстве семейному очагу, в супружеском бесплодии, разных житейских нуждах«О святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския лести обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице, буди о нас печальница ко Христу Богу, Егоже преблаженнейшим зрением присно веселитися. Моли Всемилостиваго, Егоже словом очи слепым отверзе, да избавит нас от болезни очес наших, телесных вкупе и душевных; разжени твоими святыми молитвами темный мрак, прибывший от грехов наших, испроси у Отца Света свет благодати душевным и телесным очесем нашим; просвети нас, омраченных грехми, светом Божия благодати, да твоих ради святых молитв дастся безочесным сладкое зрение.
О великая угоднице Божия! О мужественнейшая дево! О крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешнецех, ускори на помощь нам, ибо зело немощни есмы. Моли Господа, чистая девице, моли Милосерднаго, святая мученице, моли Жениха твоего, непорочная Христова невеста, да твоими молитвами пособствовавши, мрака же греховнаго избывше, во свете истинныя веры и деяний Божественных, внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми небесными силами Трисвятительное Единое Божество, Отца и Сына и Святаго Духа, ныне и присно и во веки веков. Аминь».
Молитва Мученикам Адриану и Наталии. О любви и согласии между супругами«О священная двоице, святии мученицы Христовы Адриане и Наталие, блаженнии супрузи и доблии страдальцы! Услышите нас, молящихся вам со слезами, и низпослите на ны вся благопотребная душам и телесем нашим, и молите Христа Бога, да помилует нас и сотворит с нами по милости Своей, да не погибнем во гресех наших. Ей святии мученицы! Примите глас моления нашего и избавите ны молитвами вашими от глада, губительства, труса, потопа, огня, града, меча, нашествия иноплеменников и междоусобныя брани, от внезапныя смерти и от всех бед, печалей и болезней, да присно вашими молитвами и предстательством укрепляеми, прославим Господа Иисуса Христа, Емуже подобает всякая слава, честь и поклонение со Безначальным Его Отцем и Пресвятым Духом. Аминь».
