Андрей Моховой - Большая книга народного знахаря. Лечимся у Матушки-природы
О пречудный отче Серафиме, великий Саровский Чудотоворце, всем прибегающим к тебе скоропослушный помощниче! Во дни земного жития твоего никто же от тебя тощ и неутешен отыде, но всем в сладость бысть видение лика твоего и благоуветливый глас словес твоих. К сим же и дар исцелений, дар прозрения, дар немощных душ врачевания обилен в тебе явился. Едва же призва тя Бог от земных трудов к небесному упокоению, николиже люби твоя преста от нас, и невозможно есть исчисляти чудеса твоя, умножившаяся, яко звезды небесныя; се бо по всем концом земли нашея людем Божиим явлешися даруеши им исцеление. Тем же и мы вопием ти: о, претихий и кроткий угодниче Божий, дерзновенный к нему молитвенниче, николиже призывающие тя отреваяй! Вознеси о нас благомощную твою молитву ко Господу сил, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию да научит нас, во еже беспреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков. Аминь.
Молитва святому пророку Предтече и Господню Крестителю Иоанну об исцелении головной болиКак твое чудесное усекновение почтим, Иоанн святый, какими слезами восплачем, какие песни воспоем, не постигаем умом и изнемогает язык. Ирод беззаконный отсек всесвятую главу твою, Предтеча Господень Иоанн, на земле Бог же Вседержитель на небесах венчал тебя бессмертием и даровал тебе царство свое. Велик ты перед Богом и многое можешь попросить у Него. Поэтому, припадая, молим тебя, креститель Христов: услышь страждущих головною болью, облегчи и утеши недуг их, и утоли скорбь их, освобождая от боли и исцеляя их, да прославят они о тебе Бога во веки веков. Аминь.
Молитва священномученику Антипе при зубной болиСвятой Антип молил Бога о том, чтобы научиться исцелять людей от зубной боли.
О преславный священномучениче Антипо и скорый помощниче христианом в болезнех! Верую от всея души и помышления, яко дадеся тебе от Господа дар болящия исцеляти и разслабленныя укрепляти. Сего ради к тебе, яко благодатному врачу болезей, аз немощный (или немощная) прибегаю, и твой досточтимый образ со благоговением лобызая, молюся: твоим предстательством у Царя Небеснаго испроси мне болящему (или болящей) исцеление от удручающия мя зубныя болезни: аще бо и недостоин (или недостойна) есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна (или достойну) твоего заступления чрез мое обращение от злых дел ко благому житию, уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да тако, тихое и безмолвное житие пожив во всяком благочестии и чистоте, сподоблюся со всеми святыми славити всесвятое имя Отца, и Сына, и Святаго Духа. Ныне и присно и во веки веков. Аминь.
Молитва Лонгину-сотнику при болезнях глазСотник Лонгин мучался от глазной болезни. Ему приказали участвовать в казни Христа. Он ударил Христа копьем и в тот момент, когда на его лицо попала кровь Христа, он исцелился и уверовал. Спустя некоторое время сам Лонгин был казнен. С тех пор люди получили возможность исцеляться от глазных болезней через молитву к нему.
О святый угодниче Божий, мучениче Лонгине! Подвигом добрым подвизався на земли, восприял еси на Небесех венец правды, его же уготовал есть господь всем любящим Его. Тем же взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякого зла. Благочестно и праведно поживем в нынешнем веце и сподобимся предстательством твоим, аще и недостойни есмы. Видети благая на земли живых, славяще Единаго во святых Своих славимаго Бога, Отца, и Сына, и Святаго Духа, ныне и присно и во веки веков. Аминь.
Молитва перед иконой Божией Матери «Троеручицы» Иоанну Дамаскину, исцеляющая от болезней рукИоанн Дамаскин жил в V в. в Дамаске. Император Лев велел отрубить ему руку за то, что Иоанн Дамаскин обличал его. Иоанну разрешили забрать отрубленную руку с собой. Мученик долго молился перед иконой Богородицы. Обессилев, он заснул, а проснувшись, обнаружил, что отрубленная рука вновь приросла к телу.
О Пресвятая Госпоже Владычице Богородице, велие чудо святому Иоанну Дамаскину явившая, яко веру истинную – надежду несумненную показавшему! Услыши нас, грешных, пред чудотворною твоею иконою усердно молящихся и просящих твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печали, прости содеянныя нами грехи. Исполни радости и веселия всех, чтущих святую икону Твою, да радости воспоем и любовию прославим имя Твое, яко ты еси во всех родов избранная и благословенная во веки веков. Аминь.
Молитва перед иконой Божией Матери «Неупиваемая Чаша», помогающая исцелиться от пьянстваО премилосердная Владычице! К твоему заступлению ныне прибегаем, молений наших не призри, но милостиво услыши нас: жен, детей, матерей и тяжким недугом пианства одержимых, и того ради от матери своея – Церкви Христовой и спасения от падающих, братьев и сестер и сродник наших исцели. О, Милостивая Мати Божия, коснись сердец их и скоро возстави от падений греховны, ко спасительному воздержанию приведи их. Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии. Приими, Пресвятая Богородице, молитвы матерей, о чадах своих слезы проливающих. Жен, о мужех своих рыдающих, чад, сирых и убогих, заблудшими оставленных, и всех нас, к иконе твоей припадающих. И да приидет сей вопль наш молитвами Твоими ко престолу Всевышнего. Покрый и соблюди нас от лукаваго ловления и всех козней вражиих, в страшный же час исхода нашего помози пройти непреткновенно воздушные мытарства. Молитвами Твоими избави нас вечнаго осуждения, да покрыет нас милость Божия в нескончаемыя веки веков. Аминь.
Молитва Иисусу Христу об исцелении болящегоЭту молитву читают с просьбой об исцелении от всех недугов:
Владыко, Вседержителю, Святый Царю, наказуяй и не умерщвляяй, утверждаяй низпадающия и возводяй низверженные, телесныя человеков скорби исправляяй, молимся Тебе, Боже наш, раба Твоего (имярек) немоществующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таящуюся, буди врач раба Твоего (имярек), воздвигни его от одра болезненнаго и от ложа озлобления цела и всесовершенна, даруй его Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну, и Святому Духу, ныне и присно и во веки веков. Аминь.
Молитва перед иконой Божией Матери «Целительница»Богородица считается защитницей от напастей и страданий. Она полна сострадания и милосердия, поэтому к ней часто обращаются с просьбами об исцелении.
Кроме того, Богородица покровительствует роженицам, она – символ материнства. Обращаться к Богородице можно при любых заболеваниях.
Приими, всеблагословенная и всемощная Госпоже Владычице Дево, сия молитвы, со слезами Тебе ныне приносимыя от нас, недостойных раб Твоих, ко Твоему цельбоносному образу пение возсылающих с умилением, яко Тебе Самой, зде сущей и внемлющей молению нашему. По коему бо прошению исполнение твориши, скорби облегчаешь, немощным здравие даруеши, разслабленныя и недужныя исцеляеши, от бесных бесы изгоняеши, обидимых от бед избавлеши, прокаженныя очищаеши и малыя дети милуеши еще же, Госпоже Владычице, и от уз и темниц освобождаеши и всякия многоразличныя страсти врачуеши, вся бо суть возможно ходатай ством Твоим к сыну Твоему, Христу Богу нашему. О Всепетая Мати, Пресвятая Богородице, молися о нас, недостойных рабах Твоих (имя или имена), славящих Тя, и покланяющихся со умилинием пречистому образу Твоему, и надежду имущих невозвратну, и веру несумненну к Тебе, Приснодеве Преславней и Непорочней, ныне и присно и во веки веков. Аминь.
Молитва перед иконой Пресвятой Богородицы, именуемой «Прозрение очес»О пресвятая Госпоже Владычице Богородице! Приими недостойную молитву нашу, и сохрани всех нас, с верою и любовию покланяющихся пречистому образу Твоему, от навета злых человек и от внезапныя смерти, и даруй нам прежде конца покаяние. На моление наше умилосердися, и радость вместо печали даруй нам. Се бо, на Твой образ взирающе, яко живущей Ти с нами, молим Тя усердно: избави нас, о Мати всех скорбящих и обремененных, от всякия беды и напасти, скорби, болезни и печали от всякаго зла. И сподоби ны, недостойныя рабы Твоя, одесную стати Сына Твоего, Христа Бога нашего, во втором и славнем Его пришествии, и наследники быти царствия небеснаго и жизни вечныя со всеми святыми в безконечныя веки веков. Аминь.
